Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Ekki vill með Jóku Jenis
(Jesú vegna) snæða.
Ekki vill hann einn með penis
efnahagsmál ræða.
Jáhérnabarastahér. „Björt framtíð?“ Er þetta virkilega það besta sem flokkaflakkaranum og bestuskinnunum datt í hug? Hvað með „Blóm og kanínur“, „Ástarpungarnir“ eða „Englatásur“? – Hvílík kvoða og vemmivelgja.
Helvíti rennur framsóknarblóðið hægt í æðum erfðaprinsins.
Dæmigert. Ekki er unnt að frumflytja verk mitt, Ísalandskreppu, vegna ófyrirséðra vandkvæða. Svo virðist sem ekki sé hægt að byggja 1.000 manna svið á borgarísjaka og fleyta niður Þjórsá. Alltaf skal þetta vera svona. Alltaf skal fyrst skera niður í lista- og menningarlífi þegar harðnar á dal. Dæmigert.