Mér finnst gott að maula ís,
mikið fínt og gaman.
Mamma er sko í mussu úr flís,
mikið er það gaman.
Er annars að pæla í því hvort þetta „sko“ eigi kannski ekkert heima þarna. Það er náttúrulega danska.
Þessi ykkar fjárlög feitt
fimbuldrellisjúga.
Nú sem forðum, út í eitt.
eruð þið að ljúga.
Ég má til með að vekja athygli á því óréttlæti sem kjósendum á öðrum tilverustigum er sýnt. Það er óþolandi að atkvæði sem berast eftir gerkosmískum leiðum séu ekki tekin gild. Og það er grátlegt að milljónir megineigindlegra atkvæða skuli þannig glatast vegna skilningsleysis og þröngsýni yfirvalda.
Almáttugur minn einasti! Hann Guðni litli hættur. Elsku búálfurinn minn.
Hvað verður þá um blessaða sauðkindina, hver á nú að gæta hagsmuna hennar? Deyr hún út?