Snákaolíusölumenn eru allt annað en sáttir við umfjöllun Kastljóssins um samviskulausa loddara og kuklara, en þeim hefur ítrekað verið líkt við snákaolíusölumenn í umræðunni.
„Það á bara að rífa af okkur allan bissniss, það er bara svoleiðis, það á bara að taka mann niður“ segir formaður samtaka sjálfstætt starfandi snákaolíusala á Íslandi, SSSSÍ.
„Við erum að selja hágæða olíu úr vönuðum egyfskum vatnasnákum, rándýrt stöff alveg, ekkert amerískt rusl. Svo er okkur líkt við einhverja aumingjans pendúladillara og slóttuga vatnajóna. Þetta er ekki hægt.“
Rétt er að taka fram að Baggalútur var eini fjölmiðillinn sem veitti snákasölumönnum viðtal – og keypti aukinheldur 200 lítra af dýrindis snákaolíu, sér og öðrum til heilsubótar.
Drusla!
Ábyrgðarlaus drusla á þrítugsaldri óskar eftir að kynnast karlmanni á fertugsaldri, með nánari kynni í huga. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Karlmaður á fimmtugsaldri er í haldi lögreglu eftir að hafa í morgun öskrað ókvæðisorð að hópi barna sem voru á …
Yfirgefinn vínkjallari fannst í morgun í miðborg Lundúna. Svo virðist sem kjallarinn hafi verið yfirgefinn í nokkrum flýti, en hann …
Athafnamaðurinn kunni Dr. Flippi hefur tekið við rekstri ferðaþjónustu fatlaðra. Dr. Flippi er fólki að „góðu“ kunnur, en hann hefur …
Allir helstu og reyndustu skattsvikarar þjóðarinnar hafa sent út sameiginlega beiðni um að þeir fái að falla í „stafræna“ gleymsku. Gera …