Foreldrar eru hvattir til að koma upp háfum, öryggisnetum eða öðrum búnaði til að grípa fjúkandi skólabörn seinnipartinn í dag.
Gert er ráð fyrir að börnunum verði sleppt lausum síðdegis í litlum hollum, svo þau rekist sem minnst á í loftinu.
Ef allt gengur að óskum ættu flest börn að vera fokin út af skólalóðum kl. 18.
Það getur þó tekið drjúga stund eftir það að ná þeim úr netum, sortera þau og koma þeim til síns heima.
Nýtt á herrann
Flónelsjakkar, flónelsbuxur, flónelsnáttföt.
Fjármálaráðuneytið – aukin upplifun í alfaraleið.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Ákveðið hefur verið að stofna nýtt ráðuneyti óttamála. Kemur það til af „knýjandi þörf á að ala á og viðhalda …
„Þetta er bara svo gríðarlega breytt landslag,“ segir Giljagaur Gr. Leppalúðason, talsmaður jólasveinanna en þeir hyggjast frá og með þessum …
Evrópumóti landsliða í skák er lokið, en það fór fram í kyrrþey á óþekktum stað á höfuðborgarsvæðinu. Mikil leynd hefur hvílt …
Ellert Jasonarson, ljóðskáld, skráði sig „í algjöru flippi og töluverðri geðshræringu,“ á Tinder fyrir fjórum dögum. Hálftíma eftir að hann …