Hafnfirskur rafmagnstannbursti varð hlutskarpastur í Sónar söngvakeppninni í gærkvöldi. Hann sigraði örugglega í símakosningu eftir einvígi við hálfsjálfvirkt krullujárn úr Vesturbænum.
Tannburstinn þótti framkalla seiðandi, jafnvel dáleiðandi, elektróník — sérstaklega á hæstu stillingu sinni. Og þótti um margt minna á hljómsveitina GusGus á upphafsárum sínum.
Burstinn mun keppa fyrir Íslands hönd á alþjóðlegri raftónlistarhátíð í Kaupmannahöfn í vor — ef samningar nást við eiganda hans, sem ekki vissi af þátttöku þessa fallega erfðagrips í keppninni.
Til sölu
fallegur skautbúningur. Hentar vel fyrir karlmann, eða mjög hávaxna konu. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Íslenskur karlmaður hefur vakið athygli undanfarið en hann hefur farið um landið og bent á hið augljósa. „Ég er aðallega að …
Meintur hippster var í nótt gerður brottrækur úr hippsteragreni í miðbæ Reykjavíkur þegar upp komst að hann var í raun …
Loftvarnaæfingin „Morðóði víkingurinn 2014“ sem nú fer fram á Íslandi, hefur truflað byggð jólasveina á hálendinu. Lágflug herþotna ásamt ágangi …
Keppt verður í hómófóbíu á vetrarólympíuleikunum í Sochi í Rússlandi í ár. Er þetta í fyrsta sinn sem keppt er …