Sérsveitir Mjólkursamsölunnar hafa rökstuddan grun um að framleiðsla á vítamínbættum bláberjamysingi fari fram á heimili í Grafarholti.
Hyggst MS bregðast hart við og hefja tafarlausar, skefjalausar og linnulausar loftárásir á framleiðandann, uppgjafa bóndakonu á sextugsaldri — og koma þannig í veg fyrir að varan komist í almenna dreifingu, með ófyrirséðum afleiðingum fyrir íslenskt samfélag.
„Frumkvæði verður ekki liðið, hvernig svo sem það bragðast!“ sagði lautinant í MS sveitunum í snörpu viðtali við Baggalút um málið.
Nornaveiðimenn athugið
Nornaveiðileyfin fást hjá okkur. Einnig nornablístrur, -gildrur og -bálkestir í miklu úrvaldi.
Galdrabrennsla Gunnars.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.
Lögregla varar við öngþveiti í vesturbæ Reykjavíkur vegna töluverðs fjölda svonefndra „hipstera“ sem hafa ráfað inn í hverfið í morgun. Heilu …
Framsóknarflokkurinn hefur fest kaup á útvarpsmanninum og þjóðargerseminni Óla Palla. Flokkurinn hafði þegar keypt meirihluta í sál Óla í síðustu kosningum …
Íslenskur bæjarstjóri segir listamenn ekki kýr. Hann segir líka sjónvörp ekki húðfrumur. Og vax ekki kvekara. Og miðjun ekki tónsmíð. …
Ný íslensk ofurstjarna hefur litið dagsins ljós og er henni ætlað að mæta gífurlegri eftirspurn erlendis. Stjarnan hefur alla kosti sem …