Robbie Fowler, leikmaður breska knattspyrnafélagsins Leeds mun gangast undir brjóstastækkunaraðgerð á morgun. Mun aðgerðin liður í fegrun liðsins. "T.a.m var 3 leikmönnum liðsins gert að skera hár sitt og skegg, og fóru 4 í ljósatíma", er haft eftir Terry Venables nýráðnum knattspyrnustjóra liðsins. Venables hefur heitið því að taka liðið í gegn og að sögn hans er fyrsta skrefið að koma á aga í snyrtimennsku og framkomu. "Málið var öllu erfiðara með Robbie. Það var ljóst allt frá byrjun að það þyrfti lýtaaðgerð í hans tilviki", sagði Venables ennfremur. Reiknað er með að Fowler verði frá í allt að 3 vikur vegna aðgerðarinnar.
Lamadýr
Höfum fengið í einkasölu nokkur lamadýr. Þrír litir: engifergult, mógrátt og hvítt. Skipti koma til greina - verða þó að vera nýleg klaufdýr.
Bílasalan Bílver
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.