Þrír liðsmenn úr færeysku björgunarsveitinni Mávarnum eru nú á leið til Asíu, þar sem þeir hyggjast hlutast til um úrlausn deilumála milli Indverja og Pakistana. Þremenningarnir sem venjulega kalla sig Skjótarana þrjá segjast þaulreyndir á þessu sviði og stæra sig m.a. af því að hafa fengið íbúa Kongó til að leggja af hvalveiðar.
Þeir reikna ekki með að þurfa að beita teljandi valdi en eru þó með nokkra heimasmíðaða kjarnaodda meðferðis.
Norðmenn!
Heja Norge!
Trond
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.