Í dag ganga Færeyingar til kosninga og velja fulltrúa á færeyska lögþingið. Eru þessar kosningar taldar marka tímamót m.a. með tilliti til þess hvort eyjarnar fái sjálfstæði frá Dönum.
Mörg hitamál eru þó á dagskrá fyrir utan sjálfstæði, má þar nefna hvort eigi að bæta annarri akrein við veginn, hvort kaupa eigi annan bát, hvort eigi að opna kjörbúðina klukkutíma fyrr og síðast en ekki síst hvort slátra eigi gamla nautinu hans Öyvindar á Brúsa.
Kjörkassinn var settur upp um hádegisbilið í dag á Kongens Nytorv í Kaupmannahöfn.
Til sölu
lítið notað mannorð. Nokkuð flekkað - þarfnast viðgerðar og hreinsunar.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.