Brjálaður maður, sem lögregla telur líklegt að sé fáviti, var handtekinn á Garðatorgi í dag þar sem hann hafði í frammi fávísi hvers konar og skrílslega hegðan. Veittist hann m.a. að vegfarendum og sagðist hafa niðursoðnar perur í heila stað og bauð þeim að smakka. Þá gróf hann 7 metra djúpa holu á miðju torginu og sagðist ætla að grafa þar upp Pál postula, sem hefði verið jarðsettur þar með Þórhöllu, frillu sinni. Einnig mun hann hafa flett sig klæðum og stært sig af lögun getnaðarlims síns, sem að sögn sjónarvotta var sláandi líkur Ítalíu.
Síðasti séns!
Eigum enn fyrirliggjandi ýmsan erlendan munaðarvarning. Næsta sending væntanleg haustið 2012.
Kringlan
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.