Þýski gamanleikarinn Horst Tappert, betur þekktur sem lögregluforinginn Stephan Derrick, fékk í dag stórriddarakross íslensku fálkaorðunnar við hátíðlega athöfn á Mímisbar.
"..það var bara kominn tími á að verðlauna þennan andlega risa, sem hefur veitt þessari þjóð meir af visku sinni en flestir aðrir núlifandi menn," sagði forseti Íslands við tækifærið.
Derrick var afar þakklátur og hefur í framhaldinu samþykkt að leika löggæslumanninn knáa í sérstakri hátíðaruppfærslu Þjóðleikhússins næsta haust á nýrri leikgerð Hallgríms Helgasonar, byggðri á sjónvarpsþáttunum.
Aðstoðarmaður Derrics, Harry Klein, var einnig verðlaunaður. Hann fékk páskaegg nr. 4 frá Mónu.
Orðabók
Óska eftir að kaupa íslensk-klingonska orðabók hið fyrsta. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.