Hópur íslenskra ofurhuga og skíðamanna hefur undanfarið ferðast um sunnanvert landið í leit að snjó en sem kunnugt er hefur lítið bólað á fannfergi hér syðra - leitin bar loks árangur í dag þegar leiðangursmenn fundu dálitla hvilft með fönn í.
"Þetta er ólýsanleg tilfinning, við gátum meir að segja rennt okkur þetta 30 metra," sagði Óli Mogensen, leiðangursstjóri. "Við höfðum þegar í stað samband við veðurstofuna og voru þeir jafn gapandi hissa og við. Þeir telja líklegt er að hér sé um leifar Langjökuls að ræða!"
Nýtt á herrann
Flónelsjakkar, flónelsbuxur, flónelsnáttföt.
Fjármálaráðuneytið – aukin upplifun í alfaraleið.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.