Frétt — Númi Fannsker — 27. 2. 2013
Inniheldur ekkert mannakjöt
Ólafur Ragnar Grímsson. Takið eftir vélrænu augnaráðinu.

Forseti Íslands inniheldur ekkert mannakjöt. Þetta er niðurstaða Matvælastofnunar, sem kannaði innihald forsetans.

Raunar kom í ljós að forsetinn inniheldur alls ekkert kjöt og raunar engin prótín. Hann inniheldur hinsvegar töluvert af kopar og títaníum, sem rennir stoðum undir kenningar stjórnmálafræðinga þess efnis að hann sé í raun vélmenni.

Átt þú erfitt með svefn?

Nýja SigurRósar platan er væntanleg í verzlanir okkar.

Hólavallaapótek.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: