Enn hefur komið upp alvarleg milliríkjadeila milli albanskra og íslenskra stjórnvalda.
Nú hafa ummæli tveggja eldri albanskra saumakvenna komist í hámæli, en þær létu hafa eftir sér í fjölmiðlum eftir leik Íslands og Albaníu að Íslendingar væru vælandi mömmustrákar og feitabollur með lítil typpi í ofanálag.
Albönsk stjórnvöld hafa beðist afsökunar á ummælum kvennanna og segja þau slitin úr samhengi. Þau væru aðeins byggt á reynslu þeirra af íslenska landsliðinu í knattspyrnu, en ættu ekki við um þjóðina í heild.
Ógæfumenn
Gómsætu sprittkertin komin aftur. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.