Ísraelsk yfirvöld hafa aflétt höftum sem þau settu á ferðir Yassers Arafats, leiðtoga Palestínu, og segja að hann sé nú frjáls ferða sinna um íbúð sína. Arafat hefur verið í herkví í herbergi sínu frá því í desember.
“Æi, ég var bara farinn að vorkenna kallgreyinu svo mikið,” sagði Ariel Sharon mannræningi í viðtali við Baggalút. “Það var líka svo gaman á sjá svipinn á honum þegar ég sagði honum þetta, hann ljómaði allur.”
Sharon segir að fyrsta verk Arafats hafi verið að fara á klósettið, enda hafi honum verið “ansi mikið mál. Þetta er honum mjög mikill léttir. Hann getur nú gefið gullfiskunum sínum og vaskað upp og svoleiðis.”
Sharon sagði þó frá því fyrr í dag að Arafat þyrfti ennþá að fá samþykki ísraelskra yfirvalda til að ferðast út í bílskúr.
Tenór óskast strax
í meðalstórt hugbúnaðarfyrirtæki góð Excelkunnátta nauðsynleg.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.