Olís hefur hækkað verð á 95 oktana bensíni um 5 krónur. Verðið á lítranum er þar með komið algerlega upp úr öllu valdi. Verð á bensíni hækkaði síðast viðurstyggilega mikið um miðja síðustu viku. Rétt eins og vikuna þar á undan. Og raunar vikuna þar á undan.
Bensínlítrinn kostar þar með formúu hjá Shell, fáránlega mikið hjá N1, heilan helvítis helling hjá Atlantsolíu og ÓB-bensíni og bleiksturlaða apadellu hjá Orkunni.
Olís hækkaði einnig verð á díselolíu um álíka útúrspeisaða upphæð. Lítrinn kostar þar núna moðerfokking mannsmorð.
Tilkynning frá Vegamálastjóra
Terlínbuxurnar komnar. Margar stærðir. Margir litir.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.