Lögreglan handtók í morgun afbrota-manninn síkáta Árna Johnsen í rútu á leið með Herjólfi til Vestmannaeyja. Virðist Árni hafa ætlað að flýja réttvísina með því að dulbúast sem eitt af sætunum í rútunni.
“Við höfðum fengið ábendingar um að Árni ætlaði að reyna að komast undan, svo við fylgdumst með öllum bílaferðum á leið í Herjólf,” sagði Birkir Bismarck leynilögga. “Loks sáum við rútu með glænýjum krómfelgum og létum til skarar skríða." Bílstjóri rútunnar var einnig handtekinn fyrir grun um mútuþægni og aðstoð við pólitískan flóttamann.
Við handtökuna sagði Árni að það væri “grábölvað að lenda í þessu” og þetta væri allt á mjög leiðum misskilningi byggt. Hann hafi ruglast á dögum og þetta væri öskudagsbúningurinn hans.
Snældur
Skemmtilegar snældur með blandaðri tónlist, einkum þungu rokki, frá árunum 1988-1990 fást fyrir lítið. Avá.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.