Apakettir ganga nokkuð sáttir frá kosningu til stjórnlagaþings, en hlutfall apa á þinginu verður um 19% – og er það nokkuð í samræmi við væntingar.
„Apar kjósa apa, sérstaklega hér á landi. Þetta hefur margsýnt sig og það breyttist ekkert í þessum kosningum,“ segir talsmaður apanna, sem segist hlakka til að takast á við þingstörfin með þröngsýni, afturhald og kreddur að leiðarljósi – eins og íslenskra apa er siður.
Þess má geta að nauðsynlegt reyndist að bæta einni þröngsýnni kvengórillu á þingið til að jafna svokölluð apahlutföll þess.
Jólasveinn
óskast til að skemmta karlmanni á sextugsaldri á aðventunni. Þarf að vera vel loðinn.
Ég sé að fullháttvirtur forseti hins háa Alþingis er með eitthvað bakkaklór eftir ömurðarveisluna sem hann hélt á Völlunum að viðstöddu fámenni í gær.
„Forseti Alþingis harmar að heimsókn danska þingforsetans hafi verið notuð til að varpa skugga á hátíðarhöldin og leyfir sér að trúa því að það sé minnihlutasjónarmið að viðeigandi sé að sýna danska þingforsetanum óvirðingu þegar hann sækir okkur heim og kemur fram fyrir hönd danska Þjóðþingsins og dönsku þjóðarinnar.“ — segir forseti.
Ég mótmæli herra forseti.
Þessi vanhugsaða og alls óvelkomna heimsókn var hreint ekki „notuð“ til að varpa skugga á fjölmilljónapartíið þitt. Heiðursgesturinn flóttalegi sá alveg sjálfur um að varpa sínum skoðanamyrka skugga á hátíðahöldin og eyðileggja þau gersamlega.
Það eru miklu fremur Danir sem sýna okkur óvirðingu með því að senda þessa útdönkuðu rasistapíu hingað — og skömmin er þeirra að púkka upp á hana sem þingforseta yfirhöfuð.
Það er nefnilega míkróminnihlutasjónarmið að halda að það sé í lagi að dubba upp rauðklædda rasista og leiða til hásætis á hátíðarþingfundi á sjálfu Lögbergi. Og það að gera lítið úr gagnrýni á þetta skipulagsslys er ekkert annað ómerkilegt yfirklór og eftirámjálm.
Svo eiga menn bara að drullufrussfretast til að biðjast afsökunar á klúðrinu í stað þess að barma sér undan eðlilegum viðbrögðum við þessum skammarlega undirlægju– og druslugunguhætti.
Góðar stundir.