Geir H. Haarde, ráðherra, ferðast nú á milli leikskóla og svarar fyrirspurnum frá upprennandi kjósendum um ýmis málefni tengd fjármálastjórn ríkisins.
"..mér finnst þetta ósköp þægilegur vettvangur. Miklu skemmtilegra en að húka uppi í ráðuneyti, hvað þá að hlusta á kvabbið niðri á Alþingi. Börnin eru einlæg og spyrja margs," sagði Geir, en hann er nú staddur á Kálgarði, leikskóla fyrir grasætur.
"Það er voða gaman að fá Geir," sagði ein fóstran. "..krakkarnir hafa bara gaman af honum, sum eru soldið hrædd fyrst, en það lagast þegar hann hristir bumbuna aðeins."
Til sölu!
Tveggja daga, íbitin samloka með roastbeef. Umbúðir geta fylgt. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.