Einn af aðalleikurum sjónvarpsþáttanna alræmdu Lífsháska, Thorborn 'Smokey' Thorbornsson, er staddur hér í stuttu leyfi.
Thorbornsson, sem er af íslenskum ættum, fer með hlutverk „blökkureyksins“ í þáttunum og hrellir þar þaulsetna strandaglópa dularfullrar eyjar í suðurhöfum.
Hann er nú að eigin sögn strandaglópur á annarri, enn dularfyllri og mun hættulegri eyju og sér ekki fram á að komast aftur til síns heima í bráð.
Enda segir hann að flugmálayfirvöld „fríki gersamlega út“ af einhverjum ástæðum, komi hann svo mikið sem nálægt flugvelli.
Gamlárspartý
hjá okkur. Allir velkomnir. Óli & Dorritt.
BYOB!
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.