„Já, við höfum ákveðið að gefa allt í botn í stjórnarandstöðunni,“ segir Sigmundur Davíð Gunnlaugsson formaður Framsóknarflokksins. Hann hefur tekið sér nafnið Zimmermaniac og segist engum ætla að hlífa í umræðunum sem eru framundan - sérstaklega um Icesave.
„Það er bara kominn tími til að hætta öllu kjaftæði og vinda sér í alvöru hardcore, massífa stjórnarandstöðu og þá duga engin vettlingatök,“ segir Zimmermaniac (Sigmundur). „Þetta verður bara massað, Framsókn-style! Og ekkert væl. Og ekkert kjaftæði. Og ekkert... hérna..., helvítis rugl!“ - æpir Sigmundur á blaðamann Baggalúts.
Getum bætt við okkur
fakírum í hálft starf. Fæði innifalið.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.