Sakamaðurinn Gísli Súrsson, sem verið hefur á flótta undan réttvísinni undanfarin ár gekk í gær inn á skrifstofu lögreglunnar á Blönduósi og kvaðst gefast upp.
Gísli segist hafa "feikað" dauða sinn á sínum tíma og farið huldu höfði síðan, bæði uppi á hálendinu en einnig á plánetunni 12RFR3ZX, sem hann segir að megi auðveldlega komast til um svonefnd "ormagöng" í Jökulsárgljúfrum.
En af hverju gefur Gísli sig fram nú, eftir allan þennan tíma? "...jú í fyrsta lagi er ég náttúrulega orðinn dáldið þreyttur á að vera skógarmaður - en meginástæðan er þó sú að mig langar ómögulega að missa af prófkjöri Samfylkingarinnar," sagði Gísli að lokum og glotti.
Er netþjónabú í garðinum þínum?
Láttu okkur sjá um að eyða því áður en húsið fyllist af þráðlausu neti. Meindýraeyðar Mjódd.
Ég sé að fullháttvirtur forseti hins háa Alþingis er með eitthvað bakkaklór eftir ömurðarveisluna sem hann hélt á Völlunum að viðstöddu fámenni í gær.
„Forseti Alþingis harmar að heimsókn danska þingforsetans hafi verið notuð til að varpa skugga á hátíðarhöldin og leyfir sér að trúa því að það sé minnihlutasjónarmið að viðeigandi sé að sýna danska þingforsetanum óvirðingu þegar hann sækir okkur heim og kemur fram fyrir hönd danska Þjóðþingsins og dönsku þjóðarinnar.“ — segir forseti.
Ég mótmæli herra forseti.
Þessi vanhugsaða og alls óvelkomna heimsókn var hreint ekki „notuð“ til að varpa skugga á fjölmilljónapartíið þitt. Heiðursgesturinn flóttalegi sá alveg sjálfur um að varpa sínum skoðanamyrka skugga á hátíðahöldin og eyðileggja þau gersamlega.
Það eru miklu fremur Danir sem sýna okkur óvirðingu með því að senda þessa útdönkuðu rasistapíu hingað — og skömmin er þeirra að púkka upp á hana sem þingforseta yfirhöfuð.
Það er nefnilega míkróminnihlutasjónarmið að halda að það sé í lagi að dubba upp rauðklædda rasista og leiða til hásætis á hátíðarþingfundi á sjálfu Lögbergi. Og það að gera lítið úr gagnrýni á þetta skipulagsslys er ekkert annað ómerkilegt yfirklór og eftirámjálm.
Svo eiga menn bara að drullufrussfretast til að biðjast afsökunar á klúðrinu í stað þess að barma sér undan eðlilegum viðbrögðum við þessum skammarlega undirlægju– og druslugunguhætti.
Góðar stundir.