Níels Sæunnarson, lífeyrisþegi og verðandi öreigi, hefur lýst því yfir að hann ætli niður í bæ í kvöld að buffa einhvern.
„Jú mér er eiginlega bara nóg boðið. Eiginlega bara alveg gersamlega. Þannig að ætla bara að sturta í mig nokkrum helköldum seinnipartinn, drífa mig niður á Lækjartorg og láta bara vaða í næsta mann. Eða konu,“ segir Níels furðu yfirvegaður, en af brjálæðislegu blikinu í augum hans má ráða að honum er fúlasta alvara.
„Svo er bara að vona að það sé einhver sem á það skilið, ætli það séu ekki svona 50% líkur.“
Vantar þig heimilistæki?
Erum að taka við pöntnum fyrir innflutning ársins 2015. Umsóknareyðublöð í þríriti fást afhennt gegn skriflegri beiðni (með hefðbundnum 3 mánaða fyrirvara).
Neyslu- og innflutningsstýringarráð ríkisins
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.