Vísindamenn Íslenskrar Erfðagreiningar hafa nú fundið upp lyf sem kemur í veg fyrir að fólk deyji, svokallaða lifnipillu.
“Við vorum búnir að gera mjög margar prófanir á lyfinu, en gekk voðalega illa, tilraunadýrin dóu alltaf,” sagði Kári Stefánsson körfuboltamaður. “Það var svo ekki fyrr en að við prófuðum að gefa lyfið með mjólk að það fór að virka.”
Kári býst við því að “lifnipilla og mjólk” verði komin í sjoppur og apótek innan árs.
Dætur
tvær dætur mínar á sextugsaldri fást gefins. Einnig á sama stað ættleiddur ónytjungur á fimmtugsaldri. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.