Valdimar Pálsson pípulagningamaður hefur séð kvikmyndina Sex and the City alls 84 sinnum, síðan hún var frumsýnd í síðustu viku.
„ Já, það er rétt, ég hef séð hana 84 sinnum og ætla að ná henni þrisvar í dag,“ sagði Valdimar í samtali við Baggalút í morgun. Honum telst til að hann hafi lagt sér til munns um 18 kíló af poppkorni, drukkið 42 lítra af Coca Cola og borðað á annað hundrað Fruit-tella sælgætismola yfir myndinni.
Aðspurður hvort hann hefði séð alla sjónvarpsþættina margoft, eins og kvikmyndina, svaraði Valdimar: „ Ha? Voru gerðir þættir eftir myndinni? Svona fljótt? Hvar fær maður þá?“
Sniffarar
Ný sending af öllum oktönum!
Skeljungur
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.