Vigdís Finnbogadóttir heldur áfram að vera landi og þjóð til skammar á erlendum vetvangi. Nú berast þær fréttir að Vigdís hafi mætt óboðin í kaffisamsæti á vegum Sameinuðu þjóðanna. Þar hafi hún skorað á og sigrað forseta Burundi í kappdrykkju, ælt á krónsprinsessuna af Malawi og kallað Kofi Annan "helvítis lindýr" þegar hann vildi ekki þýðast hana. Aðspurð hafði Vigdís ekkert um málið segja, en lét þess getið að henni fyndist best að tattúvera sig sjálf."
Athugið.
Hafnfirðingar sem hafa rafljós, eru vinsamlegast beðnir, vegna ljóslækninga, að slökkva á ljósunum kl. 10 á morgnana.
Ég sé að fullháttvirtur forseti hins háa Alþingis er með eitthvað bakkaklór eftir ömurðarveisluna sem hann hélt á Völlunum að viðstöddu fámenni í gær.
„Forseti Alþingis harmar að heimsókn danska þingforsetans hafi verið notuð til að varpa skugga á hátíðarhöldin og leyfir sér að trúa því að það sé minnihlutasjónarmið að viðeigandi sé að sýna danska þingforsetanum óvirðingu þegar hann sækir okkur heim og kemur fram fyrir hönd danska Þjóðþingsins og dönsku þjóðarinnar.“ — segir forseti.
Ég mótmæli herra forseti.
Þessi vanhugsaða og alls óvelkomna heimsókn var hreint ekki „notuð“ til að varpa skugga á fjölmilljónapartíið þitt. Heiðursgesturinn flóttalegi sá alveg sjálfur um að varpa sínum skoðanamyrka skugga á hátíðahöldin og eyðileggja þau gersamlega.
Það eru miklu fremur Danir sem sýna okkur óvirðingu með því að senda þessa útdönkuðu rasistapíu hingað — og skömmin er þeirra að púkka upp á hana sem þingforseta yfirhöfuð.
Það er nefnilega míkróminnihlutasjónarmið að halda að það sé í lagi að dubba upp rauðklædda rasista og leiða til hásætis á hátíðarþingfundi á sjálfu Lögbergi. Og það að gera lítið úr gagnrýni á þetta skipulagsslys er ekkert annað ómerkilegt yfirklór og eftirámjálm.
Svo eiga menn bara að drullufrussfretast til að biðjast afsökunar á klúðrinu í stað þess að barma sér undan eðlilegum viðbrögðum við þessum skammarlega undirlægju– og druslugunguhætti.
Góðar stundir.