Einn af frumkvöðlum nútíma ritvinnslu, Dr. William Doris Paste, lést í gærkvöldi, 73 ára að aldri. Byltingarkennd uppgötvun Dr. Paste og félaga hans Dr. Fred Copy á því hvernig flytja má textabrot til innan rafræns skjals markaði tímamót í ritvinnslu og er almennt talin merkilegasta, einfaldasta og hagkvæmasta einstaka aðgerð veraldarsögunnar.
Dr. Paste varð bráðkvaddur við tilraunir sínar, en þeir félagarnir hafa um áratuga skeið reynt að líkja eftir dularfullri aðgerð fyrrum samstarfsmanns síns, Dr. Tauberg Hümmel-Cut, þar sem texti er við svipaðar aðstæður og í aðferð þeirra látinn hverfa með öllu - og birtast aftur, líkt og fyrir töfra, á nýjum stað.
Þessir fyrrum fóstbræður hafa þó ekki talast við um áratuga skeið, þar sem Dr. Cut hefur sakað hina tvo um að hafa stolið heiðrinum að rannsóknum þeirra og skilið sig útundan með því að kalla hina byltingarkenndu tækni einvörðungu „Copy–Paste“ í allri umfjöllun.
Ekki liggur ljóst fyrir hvað gerðist raunverulega í gærkvöldi, en ef marka má frásögn Dr. Copy tókst þeim loks að láta Dr. Paste hverfa, ásamt öllum gögnum þeirra – en ekki birtast á ný.
TÓTI!
Þú ert ekki pabbinn.
Þuríður.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.