Samkvæmt nýrri skýrslu Félagsfræðistofnunar Háskóla Íslands, þjóðkirkjunnar og Siðfræðistofnunar, hefur það færst mjög í vöxt að ljóshærðar druslur giftist plebbum á rauðum sportbílum.
Í dag gengu þau í hjónaband Eva Erlu-Magnúsardóttir, ljóshærð drusla og Finnur M. Fjallberg, plebbi á rauðum sportbíl. Eru þau 28. parið á árinu sem fellur undir skilgreiningu Hagstofunnar á ljóshærðri druslu og plebba á rauðum sportbíl, sem gengur í hjónaband.
26 þessara hjónabanda lauk jafnframt á árinu, með þeim afleiðingum að ljóshærðu druslurnar fengu rauðan sportbíl.
Framsóknarmenn allra flokka!
Vorum að fá mikið magn af almannafé fyrir slikk. Fyrstir koma, fyrstir fá.
Orkuveitan.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.