Alþjóðleg mannréttindasamtök hafa tekið sig saman og fordæmt þann sið Íslendinga að sprengja Kínverja um áramót.
Í harðorðri ályktun sem send var stjórnvöldum í morgun er sprengingunum mótmælt, þær sagðar villimannslegar og ómannúðlegar - og beinum aðgerðum hótað verði þær ekki tafarlaust aflagðar með öllu. Þá er sala á Kínverjum til almennings harðlega gagnrýnd.
Að sögn talsmanns dómsmálaráðuneytis er verið að kanna málið, en sá taldi jafnframt að um hugsanlegan misskilning væri að ræða.
Til sölu
Lítið notað sveitarfélag á Langanesi. Áhugasamir hafi samband við afgreiðslu.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.