Alþingi Íslendinga hefur verið kallað saman til neyðarfundar.
Þrátt fyrir að fullljóst þyki að þing sé saman komið til að ræða þær þúsundir geimskipa sem nú voma yfir landinu og undarlega atburði þeim tengda neitar umboðsmaður því alfarið.
Hann segir að þing sé saman komið til að velja þingmönnum sæti, skipa í nefndir o.s.frv. - dagsetningin sé einfaldlega valin með hliðsjón af því að þingmenn geti fengið sér smók í friði á djamminu á eftir.
Hann vildi og ekkert tjá sig um sögusagnir þess efnis að búið væri að fylla öll uppistöðulón landsins af gielsavirku útfrymi.
Aumingjar!
Við breytum ykkur í hesttanaða elgmassaða kalla á innan við fjórum árum!
Líkamsræktarstöðin Púlver
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.