Purpurarauði kólítvívetnisbrönugrasspírallinn G'Luxtor er stadur hér á landi.
Þykir þetta gríðarlega mikill heiður því G'Luxtor, sem er sá eini sinnar tegundar, er jafnan talinn vera gáfaðasta lífvera heims og heimsækir ekki staði nema þeir hafi alheimssögulega þýðingu - og hefur svo dæmi sé tekið aldrei áður komið til vetrarbrautarinnar okkar.
Það gerir heimsókn G'Luxtor hingað því enn merkilegri að ástæður hennar eru tvíþættar. Annars vegar til að bragða vestfirskan hákarl og hins vegar til að hitta Sigurð Tómas Magnússon í eigin persónu, en hann ku vera seinheppnasti málafærslumaður í sögu alheimsins.
Hjásvæfa óskast
Vegna flutninga - STRAX!
Baddi (baddi@bdsmhotboogie.com)
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.