Viðræður Bandaríkjamanna og Íslendinga um framtíð varnarsamstarfs ríkjanna hófust í utanríkisráðuneytinu í morgun. Bandaríkjamenn sendu tuttugu og sex manna sendinefnd á fundinn, sem koma hér við á leið sinni á alþjóðlega Star Wars ráðstefnu í Nice.
Það vakti athygli að Nicholas Burns aðstoðarutanríkisráðherra mætti ekki - og var ekki laust við að dulítil skeifa mydnaðist á vörum Geirs Haarde, utanríkisráðherra Íslands, þegar það var ljóst.
Í stað Burns kom hins vegar ein helsta aðstoðarkona aðstoðarmanns aðstoðaraðstoðarutanríkisráðherra Bandaríkjanna. Hún þykir afar fær í viðræðum sem þessum, en hún er sennilega þekktust fyrir að hafa náð samningum um tímabundinn innflutning á lituðum bréfaklemmum til Bandaríkjanna frá Guam undir lok síðustu aldar.
Drekaflugur
Ertu á leið á drekaveiðar? Eigum mikið af góðum, handunnum flugum - einnig spúna og maðka. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.