Frétt — Enter — 13. 3. 2006
Býr sig undir alþjóðlega keppni í fatapóker
Trausti æfir sig með hjálp öflugs tölvuforrits sem kallast „Strip poker XI: Sluts of Sweden“

Trausti Ásmundsson, heildsali, býr sig nú af kappi undir fyrsta alþjóðlega mótið í fatapóker sem eingöngu fer fram á netinu.

Trausti, sem verið hefur í fremstu röð evrópskra fatapókerspilara síðustu áratugi, segir mótið býsna sterkt, en gerir sér þó vonir um að „tolla í lörfunum“ fram yfir riðlakeppni og vonandi áfram í 8-liða úrslit.

Hræddastur er hann að lenda á móti Þjóðverjanum Jesper Krauser eða „slátraranum frá Saarbrucken“ eins og hann er jafnan kallaður, en margir muna eflaust þegar hann reytti spjarirnar af Trausta í Laugardalshöllinni árið 1984.

Spennandi ferðir

á slóðir Osama Bin Laden. Upplifið haustlitina í afgönsku fjöllunum.
-Lúdóferðir-

Lesbók19. 7. 2018 — Enter

Ég sé að full­hátt­virtur forseti hins háa Al­þingis er með eitthvað bakkaklór eftir ömurð­ar­veisluna sem hann hélt á Völl­unum að við­stöddu fá­menni í gær.

„Forseti Al­þingis harmar að heim­sókn danska þing­forsetans hafi verið notuð til að varpa skugga á hátíðar­höldin og leyfir sér að trúa því að það sé minni­hluta­sjónar­mið að við­­eigandi sé að sýna danska þing­­for­setanum óvirð­ingu þegar hann sækir okkur heim og kemur fram fyrir hönd danska Þjóð­þingsins og dönsku þjóðar­innar.“ — segir forseti.

Ég mót­mæli herra forseti.

Þessi van­hugsaða og alls óvel­komna heim­sókn var hreint ekki „notuð“ til að varpa skugga á fjöl­milljóna­partíið þitt. Heiðurs­gesturinn flótta­legi sá alveg sjálfur um að varpa sínum skoðana­myrka skugga á hátíða­höldin og eyði­leggja þau gersam­lega.

Það eru miklu fremur Danir sem sýna okkur óvirðingu með því að senda þessa út­dönkuðu rasista­píu hingað — og skömmin er þeirra að púkka upp á hana sem þing­forseta yfir­höfuð.

Það er nefni­lega míkró­minni­hluta­sjónar­mið að halda að það sé í lagi að dubba upp rauð­klædda rasista og leiða til hásætis á hátíðar­þing­fundi á sjálfu Lög­bergi. Og það að gera lítið úr gagn­rýni á þetta skipulags­slys er ekkert annað ómerki­legt yfir­klór og eftirá­mjálm.

Svo eiga menn bara að drullu­fruss­fretast til að biðjast af­sökunar á klúðrinu í stað þess að barma sér undan eðli­legum við­brögðum við þessum skammar­lega undir­lægju– og druslu­gungu­hætti.

Góðar stundir.

 
§ Spiladós




§ Nýjustu fréttir: