Frétt — Númi Fannsker — 22. 2. 2006
Köntrísöngvari gefur út sólóplötu
Wes í fangi umboðsmanns síns og fóstru - Amber Ukulehl.

Hinn þekkti köntrísöngvari og lagasmiður Wes Utterdale er hættur í hljómsveitinni Esperwood, sem hann stofnaði ásamt félaga sínum Jesper Gropeback Jr. Hann vinnur nú að fyrstu sólóplötu sinni sem ber vinnutitilinn Gengis Kahn in Texas.

Aðspurður sagðist Wes vera orðinn langþreyttur á hljómsveitarbröltinu og kvaðst hann vilja einbeita sér að eigin sköpun í framtíðinni. „Maður getur náttúrulega ekki staðið í þessu endalaust og mér fannst komin tími til að breyta til - maður er náttúrulega búinn að lifa helvíti hratt og svona... prófa allt og svona þúveist. Svo lenti ég líka í erfiðum skilnaði og svona við Esther [Ibenholt, fyrirsætu - innsk. blm.] sem ég þarf bara að tjá mig um á mínum eigin forsendum. Alltsvo á þessari nýju plötu sko“, sagði þessi geðþekki Íslandsvinur í símaviðtali við blaðamann Baggalúts.

Til sölu

Tveir fallegir verðlaunagripir úr lituðu gleri og steini. Lítið notaðir. Ritstj. Baggalúts.

Lesbók19. 7. 2018 — Enter

Ég sé að full­hátt­virtur forseti hins háa Al­þingis er með eitthvað bakkaklór eftir ömurð­ar­veisluna sem hann hélt á Völl­unum að við­stöddu fá­menni í gær.

„Forseti Al­þingis harmar að heim­sókn danska þing­forsetans hafi verið notuð til að varpa skugga á hátíðar­höldin og leyfir sér að trúa því að það sé minni­hluta­sjónar­mið að við­­eigandi sé að sýna danska þing­­for­setanum óvirð­ingu þegar hann sækir okkur heim og kemur fram fyrir hönd danska Þjóð­þingsins og dönsku þjóðar­innar.“ — segir forseti.

Ég mót­mæli herra forseti.

Þessi van­hugsaða og alls óvel­komna heim­sókn var hreint ekki „notuð“ til að varpa skugga á fjöl­milljóna­partíið þitt. Heiðurs­gesturinn flótta­legi sá alveg sjálfur um að varpa sínum skoðana­myrka skugga á hátíða­höldin og eyði­leggja þau gersam­lega.

Það eru miklu fremur Danir sem sýna okkur óvirðingu með því að senda þessa út­dönkuðu rasista­píu hingað — og skömmin er þeirra að púkka upp á hana sem þing­forseta yfir­höfuð.

Það er nefni­lega míkró­minni­hluta­sjónar­mið að halda að það sé í lagi að dubba upp rauð­klædda rasista og leiða til hásætis á hátíðar­þing­fundi á sjálfu Lög­bergi. Og það að gera lítið úr gagn­rýni á þetta skipulags­slys er ekkert annað ómerki­legt yfir­klór og eftirá­mjálm.

Svo eiga menn bara að drullu­fruss­fretast til að biðjast af­sökunar á klúðrinu í stað þess að barma sér undan eðli­legum við­brögðum við þessum skammar­lega undir­lægju– og druslu­gungu­hætti.

Góðar stundir.

 
§ Spiladós




§ Nýjustu fréttir: