Fjórtán íslenskar landnámshænur komu hingað til lands frá Færeyjum í lögreglufylgd skömmu fyrir hádegi. Sérsveit danska hersins handsamaði hænurnar í nótt og gerði þær brottrækar úr eyjunum, en þær námu land í Klakksvík seint í síðasta mánuði.
Höfðu hænurnar að sögn gert mikinn usla undanfarna daga, farið með ránshendi um nærliggjandi byggðir og kúgað eyjaskeggja með margvíslegum hætti.
M.a. lögðu þær holur íbúa undir varp, hægðu sér í vatnsból og slökktu á öllum kertum - en sérfræðing frá Danmörku þarf til að tendra þau aftur.
Nýbakaðir foreldrar
Ilmandi með morgunkaffinu. Mikið úrval. Hagstætt verð.
Brauðvinnsla Bjartmars
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.