Frétt — Enter — 25. 4. 2005
Þverpólitísk samstaða finnst í náttúrunni
Vísindamennirnir gættu fyllstu varúðar, enda samstaðan hættulega þverpólitísk.

Hópur norskra, nepalskra og íslenskra jarðvísindamanna sem unnið hafa að rannsóknum á jarðlögum í austanverðri Ástralíu undanfarin ár fullyrða að þeir hafi fundið náttúrulega þverpólitíska samstöðu í steingerðum örverum, líklega um 120 milljón ára gamla.

Talsmaður vísindamannana telur nær öruggt að samstaðan, sem mældist verulega þverpólitísk, hafi dregið þessar frumstæðu lífverur til dauða á sínum tíma. Rennir það stoðum undir þá kenningu að líf eins og við þekkjum það í dag fái ekki þrifist í sambýli við svo óstöðugt efnasamband, sem hingað til hefur aðeins verið hægt að endurskapa á tilraunastofum og við stjórnarmyndunarviðræður.

Tapað fundið

Lítill sirkúsfíll fannst á mótum Snorrabrautar og Hverfisgötu að morgni sunnudagsins 15. október. Grár.
A.v.á.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: