Frétt — Númi Fannsker — 18. 12. 2001
Ný apadís í Hafnarfirði
Systir Hildegaard hellir upp á kaffi fyrir blaðamann.

Ný apadís, systir Hildegaard, hefur tekið við embætti í klaustri Carmelsystra í Hafnarfirði. Hennar fyrsta verk verður að tölvuvæðaklaustrið og færa nær nútímanum og almenningi að sögn túlks hennar, sem fylgir henni hvert fótmál og talar fyrir hennar hönd. Einnig mun vera á stefnuskrá systur Hildegaard að taka upp grænmetisfæði í klaustrinu og koma fyrir hverskyns leiktækjum í klausturgarðinum systrunum til skemmtunar og afþreyingar. Systir Hildegaard er 29 ára og hefur starfað víða við trúboð og hjálparstarf, nú síðast í Noregi. Fráfarandi apadís, Systir Olga, kveður með nokkrum trega, en hún hyggst snúa sér alfarið að sáluhjálp og iðrun.

Hringberi

óskast til að bera máttarbaug inn í land öflugs myrkradróttins. Þarf að vera 18 ára eða eldri. Má ekki reykja.

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
§ Spiladós




§ Nýjustu fréttir: