Þau Hjalti og Elva, sem hafa verið á föstu síðan snemma árs 1991 eru loksins búin að geraða. Að sögn Hjalta hefur hann leynt og ljóst stefnt að því að geraða með Elvu allt frá því sumarið 1993, þegar þau Elva fóru í sleik. Þegar þau svo fóru aftur í sleik haustið 1999, ákvað Hjalti að hann skyldi geraða með Elvu fyrir árslok 2004. Sú áætlun gekk ekki eftir, meðal annars vegna viðvarandi höfuðverkja Elvu á árunum 2000-2004. Í morgun bárust þau tíðindi frá þeim Hjalta og Elvu að þau væru í raun búin að geraða.
"Jújú, mér fannst þetta bara svona alltílæ", sagði Hjalti í viðtali við Baggalút í morgun. Elva var þó ekki á sama máli: "Já, nei þetta voru fyrst og fremst vonbrigði. Bara ekkert spes. Ég ætla sko ekki að geraða aftur. Allavega ekki með Hjalta", sagði Elva.
Lokað vegna vörutalningar
Litla-Hraun
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.