Mikil gleði var í Fjölmenningarhúsinu við Hverfisgötu nú um helgina en þá stóð yfir viðamikil hátíðardagskrá í tilefni af afmæli staðarins. Fjölmargir listamenn stigu á stokk og skemmtu gestum með hinum ýmsu atriðum og uppákomum. Meðal atriða var finnskur limbóflokkur, þýskur búktalari og færeyskur lundatemjari.
Hápunktur hátíðarinnar var þó þegar bandaríska söngtríóið ‘The Velvet Throats’ steig á sviðið. Sveitina skipa þrír myndarlegir negrar, þeir Goldie Locks, French Kiss og Black Mamba en þeir hafa starfað saman að tónlistarsköpun um árabil.
Þó vitað sé til þess að blökkumenn hafi áður flækst til landsins við skipströnd og þvíumlíkt er þetta í fyrsta sinn sem hópur þeirra er fluttur vísvitandi til landsins og marka tónleikarnir því nokkur tímamót.
Að loknum velheppnuðum tónleikum þökkuðu þeir drengir fyrir sig og sögðust vel geta hugsað sér að koma aftur til Íslands. Enn fjölgar því í hópi Íslandsvina en áður eru þar fyrir fjölmargir erlendir útlendingar.
Tapað fundið
Hvítt og móbrúnt lamadýr týndist einhversstaðar milli Hveragerðis og Eyrarbakka um helgina. Svarar nafninu Hermann. Fundarlaun. Skilvís finnandi hafi samband við afgreiðslu Baggalúts.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.