Gerð verður lokatilraun til að koma á siðmenningu í Vestmannaeyjum laust eftir klukkan 16 í dag. Sendinefnd á vegum menntamálaráðuneytisins er þessa stundina á leið til eyjanna um borð í Herjólfi.
Sendinefndina skipa þeir Bubbi Morthens tónlistarmaður, Páll Skúlason heimspekingur, Sigurbjörn Einarsson biskup og Hugrún Fjeldsted málfræðingur. Þeim til halds og trausts verður 20 manna hópur úr nýskipaðri sérsveit lögreglunnar.
Samkvæmt heimildum Baggalúts hefur ríkisstjórnin lokað á allar vatnsleiðslur til Vestmannaeyja og verður vatni ekki hleypt á fyrr en eyjarskeggjar láta til leiðast að læra mannasiði.
Gefins!
Nokkrir pokar af regnvatni. Á sama stað fæst einnig gefins talsvert af mosa.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.