Allmiklar líkur eru á því að hinn dularfulli Leirfinnur sé fundinn eftir áratuga leit og árásir á blásaklausa menn. Nú hefir stigið á stokk Kim Jong Il, erlendur ferðamaður sem átti erindi í Hafnarbúðina umrætt kvöld. Kim var hér á landi ásamt móður sinni á dögunum og viðurkenndi þá að sig hefði grunað í tuttugu ár að hann væri í raun sjálfur Leirfinnur hinn dularfulli. "Jú ég verð að viðurkenna það að mér stóð nú ekki á sama þegar þeir voru að handtaka menn, ég meina þetta eru klárlega mannréttindabrot. Ég var hinsvegar upptekinn í bisness með pabba mínum en fylgdist vel með Geirfinnsmálinu og framvindu þess. Nú er svo komið að ég get ekki þagað lengur, samviskan plagar mig", sagði Kim Jong Il um málið þegar blaðamaður hitti hann á gangi um Geysissvæðið.
Ertu að opna kirkju?
Eigum í miklu úrvali hempur, kerti, krossa, altari og orgel.
Minnum einnig á vinsælu prestaleiguna okkar.
Kirkjuval – Garðatorgi.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.