Yngsti þingmaðurinn á Alþingi, Birkir Jón Jónsson, hefur ekki átt sjö dagana sæla það sem af er hausti. Eldri og reyndari þingmenn hafa lagt hann í einelti og náði athæfið hámarki eftir að Birkir varð Íslandsmeistari í Bridds nú á dögunum.
Að sögn Friðriks Ólafssonar skrifstofustjóra Alþingis eru það aðallega hinir annáluðu pörupiltar Gunnar J. Birgisson og Össur Skarphéðinsson sem stunda það að stríða Birki. Hafa þeir m.a. stolið nesti þingmannsins og sullað gosi yfir atkvæðagreiðsluhnappana hans.
Sjálfur hefur Birkir sent frá sér yfirlýsingu þar sem segir m.a.: "Ég er víst góður í bridds og Dagný Jónsdóttir er sko ekkert kærastan mín!"
Ísmolar
til sölu ísmolar, einn eða fleiri, vegna affrystingar ísskáps. Sanngjarnt verð. Fyrstir koma fyrstir fá.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.