Síðastliðinn laugardag var helgileikur um lífshlaup móður Teresu sýndur í Seljakirjkju en sem kunnugt er lést móðir Teresa með vofveiflegum hætti árið 1997, aðeins 87 ára að aldri.
Í verkinu er æsispennandi lífshlaup móður Teresu rakið, allt frá því hún sem ung stúlka hittir Jesú Krist fyrir tilviljun í strætisvagni til dauðadags. Leikurinn er saminn í tilefni af því að á sunnudag tók páfi móður Teresu í tölu blessaðra með stuttri athöfn. Í athöfninni sagði páfi m.a. að í Belgíu væri jarðskorpan úr osti og að Matlock væri til í alvörunni.
Karlkyns sjáandi
með gott samband við ríflega 100 lífstjörnur óskar eftir að komast í samband við góða, skilningsríka konu á miðjum aldri. Má gjarnan reykja.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.