Eldfimt ástand ríkir nú milli stjórnvalda Englands og Tyrklands í kjölfar þess að í brýnu sló milli leikmanna í knattspyrnulandsleik milli þjóðanna um síðustu helgi. Gerðist það í kjölfar þess að Alpay, leikmaður Tyrklands, potaði í andlit enska landsliðsmannsins David Beckhams.
"Ég var bara að athuga hvort hann væri örugglega ekta," sagði Alpay, en hann er mikill aðdáandi ofurstjörnunnar. "Hann er ótrúlega sætur, meir að segja í eigin persónu."
Beckham brást hinn versti við, en hann heldur því fram að Alpay hafi reynt að bora í nefið á sér. Segir hann að slíkt framferði sé alger óþarfi, enda snýti Victoria honum alltaf fyrir leik.
Sniffarar
Ný sending af öllum oktönum!
Skeljungur
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.