Jónatan Natansson, dúkari og heimskingi byggði á dögunum hús á sandi þrátt fyrir ítrekaðar athugasemdir fagmanna og vina hans sem margsinnis bentu honum á að það ætti hver maður að vita að slíkt gerði maður ekki.
"Já, ég er nú bara svona heimskur", sagði Jónatan í samtali við blaðamann. "Sko, ég var bara rétt að búa mig undir að fara að ganga frá lóðinni þar sem húsið var fullbyggt og þá kom steypiregn og vatnið óx og óx og húsið það féll, sem betur fer er ég vel tryggður".
Gefðu jólagjöf sem gleður!
Tek að mér að ráða af dögum tengdamæður og eiginkonur. Athugið geðveiku jólatilboðin á www.leigumord.is.
Elli - s. 4983215
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.