Björn Bjarnason, dómsmálaráðherra, hefur skipað nýjan hæstaréttardómara - þvert á álit Hæstaréttar. Dómarinn nýskipaði heitir Snúlli og er hreinræktaður bolabítur, auk þess að vera einn elsti og besti vinur ráðherra.
Í mati hæstaréttar segir að þó Snúlli sé 'í sjálfu sér hæfur til starfans' sé hann kannski ekki 'heppilegasti' kosturinn, þar sem að minnsta kosti tveir hæfari umsækjendur séu um hituna.
Björn segist ekki sjá neitt athugavert við þessa ráðningu, "Snúlli er ákveðinn, heiðarlegur og hlýðinn - auk þess sem tiltölulega auðvelt er að kenna honum ýmsar kúnstir - ólíkt sumum!"
Til sölu
Vinsælt enskt knattspyrnulið í góðum rekstri. Einnig á sama stað tónlistarhús, óklárað.
Afgreiðsla vísar á
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.