Í viðtali við Brynjúlf Kvaran, líffræðing, í nýjasta tímariti félags fuglafræðinga koma fram grófar ásakanir um misnotkun skáldsins og tónlistarmannsins Megasar á kanabisefnum. Þar segir Brynjúlfur að skáldið hafi "reykt hass í partíi í Hveragerði árið 1982". Hér er um afar alvarlegar ásakanir að ræða, þar sem Megas er margverðlaunaður listamaður og fyrirmynd íslenskra ungmenna.
Talsmaður Megasar vísar þessum ásökunum á bug og segir að i umræddu partíi í Hveragerði hafi Megas verið spurður hvað hann væri að reykja, hann hafi ekki heyrt spurninguna, þar sem hann var að kveikja sér í vindli og svarað: "Ha? Svakalegur hávaði er hérna." Brynjúlfur svaraði Baggalúti hinsvegar því að Megas hafi sagt: "Hass! Vaka lengur, hávaði er hérna." Ummæli þessi hafi greinilega verið látin falla í hassvímu.
Málið er í rannsókn.
Tapað fundið
Kartafla í laginu eins og Megas á hvolfi í hjólbörum týndist á miðju Klambratúni. Fundarlaun.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.