Eggert Magnússon, formaður KSÍ, á í samningaviðræðum við erlendan þjálfara um að taka að sér þjálfun karlalandsliðs Íslands í knattspyrnu. Sá heitir Udolf Hussenstein og hefur nýlega fengið austurrískan ríkisborgararétt, en hann var áður búsettur í miðausturlöndum.
"Þessi náungi skaut upp kollinum í Evrópu nú nýlega. Hann hefur að vísu ekki þjálfað mikið en er með frábær meðmæli," sagði Eggert í samtali við Baggalút.
Ukuleleleikarar
Tek að mér stillingar á G, A og E - strengjum. Fullum trúnaði heitið.
A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.