Frétt — Myglar — 15. 5. 2003
Decode tapaði 13 milljónum dollara á fyrsta stundarfjórðungi dagsins
Starfsmenn Decode verða að fara að taka sig á

Tap af rekstri Decode Genetics, móðurfélagi Íslenskrar erfðagreiningar, nam 13 milljónum dala, eða um 962 milljónum króna samanborið við 15,9 milljónir dala eða um 1180 milljónir króna á sama tíma í gær.
Í tilkynningu deCODE um afkomuna segir að tekjur á stundarfjórðungnum hafi numið 11,8 milljónum dala samanborið við 5,3 milljónir dala á sama tímabili í gær.
Handbært fé félagsins var 79,2 milljónir dollara eða um 5,8 milljarðar króna við lok fyrsta stundarfjórðungs, og því má gera ráð fyrir að fyrirtækið verði gjaldþrota nú um kaffileytið.

Nýbakaðir foreldrar

Ilmandi með morgunkaffinu. Mikið úrval. Hagstætt verð.

Brauðvinnsla Bjartmars

Lesbók22. 10. 2020 — Enter

Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.

Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:


  • Ekkert starfsfólk
  • Engin viðvera
  • Ekkert húsnæði
  • Engin þjónusta
  • Engin gildi
  • Engin frí
  • Engin áhætta
  • Ekkert internetsamband
  • Enginn samningsvilji
  • Engin kaffivél

Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.

Góðar stundir.

 
Nýjustu fréttir: