Marteinn Márusarson, nemi, tilkynnti í gær vinum sínum og vandamönnum að hann hygðist horfast í augu við gagnkynhneigð sína og hætta að vera hommi. Þetta kemur flestum sem til hans þekkja mjög á óvart, enda hefur Marteinn um árabil verið mjög virkur á 'gay-senunni' svonefndu.
"..ég held einfaldlega að ég hafi á sínum tíma látið berast með straumnum, farið að fikta við þetta til að vera eins og hinir," sagði Marteinn skömmustulegur. "..svo bara leiddi eitt af öðru og áður en ég vissi af var ég kominn á kaf í þetta hommastúss allt. En ég fann aldrei neistann."
"..foreldrar mínir urðu mjög slegnir þegar ég færði þeim þessar fréttir, sérstaklega faðir minn sem hótaði að tala aldrei aftur við mig, en ég held að innst inni hljóti þau að gleðjast með mér og læri með tímanum að sætta sig við að ég er einfaldlega öðruvísi af guði gerður en þau."
Gefins
Kassavanur dvergur. Á sama stað er til sölu casio tölvuúr (ódýrt).
A.v.á.
Ég sé að fullháttvirtur forseti hins háa Alþingis er með eitthvað bakkaklór eftir ömurðarveisluna sem hann hélt á Völlunum að viðstöddu fámenni í gær.
„Forseti Alþingis harmar að heimsókn danska þingforsetans hafi verið notuð til að varpa skugga á hátíðarhöldin og leyfir sér að trúa því að það sé minnihlutasjónarmið að viðeigandi sé að sýna danska þingforsetanum óvirðingu þegar hann sækir okkur heim og kemur fram fyrir hönd danska Þjóðþingsins og dönsku þjóðarinnar.“ — segir forseti.
Ég mótmæli herra forseti.
Þessi vanhugsaða og alls óvelkomna heimsókn var hreint ekki „notuð“ til að varpa skugga á fjölmilljónapartíið þitt. Heiðursgesturinn flóttalegi sá alveg sjálfur um að varpa sínum skoðanamyrka skugga á hátíðahöldin og eyðileggja þau gersamlega.
Það eru miklu fremur Danir sem sýna okkur óvirðingu með því að senda þessa útdönkuðu rasistapíu hingað — og skömmin er þeirra að púkka upp á hana sem þingforseta yfirhöfuð.
Það er nefnilega míkróminnihlutasjónarmið að halda að það sé í lagi að dubba upp rauðklædda rasista og leiða til hásætis á hátíðarþingfundi á sjálfu Lögbergi. Og það að gera lítið úr gagnrýni á þetta skipulagsslys er ekkert annað ómerkilegt yfirklór og eftirámjálm.
Svo eiga menn bara að drullufrussfretast til að biðjast afsökunar á klúðrinu í stað þess að barma sér undan eðlilegum viðbrögðum við þessum skammarlega undirlægju– og druslugunguhætti.
Góðar stundir.